AFŞAR

Tuesday, December 05, 2006

افشار قوچاقلاماسي

آوشارلار

اوغوز قاغان`ين اوچونجو اوغلو
اولدوز خان`دير اونون ساغ قولو
اولدوز خان`ين دا ان بٶيوك اوغلو
آوشار به ي`دير اوغوز`ون آدليم بويو

آوشار`ين آنلامي، چئويك دئمك
ييرتيجي ايلخي آوينا، وئرير امك
ساغ اوماجا`دير، شٶله نده يئمك
تٶره سي: دووشانجيل`ي اونقون بيلمك

اون بيرينجي يوز ايلده، اونونه اون قاتان
تورك اٶته يينه ايزباسيني آتان
آديني گونوموزه ده يين ياشادان
بيريجيك اوغوز بويودور آوشار

اون ايكينجي يوزايلده گليشدي اولايلار
سيردريا`دان خوزيستان`ا گله ن اونلار
باشلاريندا آيدوغدو`لار، شنقا باي`لار
خوزيستان`ا قيرخ ايل تارخان اولدو آوشار

سلجوق خاقانليغينين قورولماسيندا
مالازگيرد اوتقوسونون قازانيلماسيندا
اٶنه ملي اوينام ياپان دٶرد بوي آراسيندا
باسقيني ياپان، بيرينجي بويدور آوشار

توركييه آوشارلاري

قارامان آوشارلاري

اون اوچونجو يوز ايلين اورتاسيندا
اونلو موغول آخينلاري سيراسيندا
اوج به يي اولدو ائرمه نك بوجاغيندا
قارامان به ي آدلي ييلماز آوشارلي

اون اوچونجو يوز ايلين اورتالاريندا
دارنده، موت، سيليفكه دولايلاريندا
دٶردونجو قيليج آسلان چاغلاريندا
قارامان به يليييني قوردو آوشارلي

قارامان اوغلو مهمد به ي، سويلو قاهرامان
توركجه ني توغرالي ديل ياپماسي اولدو يامان
سلجوق قولتوغونا اوتوراجاغي چاغين
موغوللارلا قانلي ساواش ياپدي آوشارلي

ييلديرمادي هئچ عوثمانليلار، موغوللار
باغيمسيزليغا جيم وورقوندو اونلار
تام ايكي يوز اللي بئش ايل ساواشديلار
اٶزگورلوك اوچون، قارامانلي آوشارلي

اون دٶردونجو يوز ايلين اورتالاريندا
البيستان، مالاتيا، ماراش دولاييندا
بيرليك ساغلايان بوز اوخ اويماغيندا
دولقادار اركله تيني قوردو آوشارلي

دولقادار به يلييي`نه يٶره ني اييه ك ائتدي
مملوكلارين اوردوسونو يئنيك ائتدي
كيليكا`ني ائرمني يه تونه ك ائتدي
بوز اوخ اويماقلارينين باشيندا آوشارلاري

سورييه آوشارلاري

اون بئشينجي يوز ايلده آوشارلي اويماقلار
گوندوز اوغوللاري، كٶپه كليلر، قوت بايلار،
سورييه، عميق، حلب، آنتئپ يٶره سينده
مملوك اوياروتونا يٶن وئردي هپ اونلار

مين دٶرد يوز بيرده شام يولونو توتدو
فيرات`دا تيمور`ا، مملوك`ا قافا توتدو
آوشار كٶپه كلي اويماغي حوسئين به ي
مين دٶرت يوز اوندا مالاتيا`دا يورد توتدو

عميق اوواسيندا گوندوز اوغوللاري
اونلارين الينده ساتيق يوللاري
اون بئشينجي يوز ايلين يلك ياريسيندا
گٶردو به ي`ه سالديردي مملوك اوردولاري

حلب يٶره سينده قوت باي اوغوللاري
اونلاردان قورخاردي مملوك قوشونلاري
مين دٶرد يوز الي يئدديده روستم`له ساواشان
آغ قويونلو اوردوسوندا گٶردوك اونلاري

١٦-١٧ يوز ايللرده آوشارلار

حلب آوشارلاري

بو چاغدا حلب آوشارينين بير چوخو
باشلاريندا اويماق به يلري، باشبوغو
عوثمانلي، مملوك اورلاتيم باسقيلاريندان
ايران ائللرينده آلديلار سولوغو

حلب`ده قالدي كٶپه كلي`دن اولانلاري
كٶچه كلي، آلپلي، آيدوغموش اوبالاري
دوراق به ي اوغلو امه نليك به ي بويروغوندا
كٶچدن آردا قالان حلب آوشارلاري

مملوكلار، گوندوزلو`نون قورخولو رٶياسي
بير ده باشلادي عوثمانلي ائليك اولماسي
ايرانا كٶچه ن گوندوزلو آفشاري`نين
حلبده قالدي گئنه سككيز اوباسي

حلبده آفشار`ين يئرله شيك اوبالاري
رجب اوغوللاري`يلا بحري اوغوللاري
قاراگوندوزلو، حاجي آيواز، چركز اوغوللاري
بونلاردي عوثمانلي`يا باغلي اولانلاري

مين آليتي يوز سكسن يئددي ايللرينده
ياپيلان آووستوريا يوگوروشلرينده
ساواشا گيردي رجبلي آوشارلاري
ايكي يوز آتلي، به يلري اٶنلرينده

بوز اولوس آوشارلاري

محمد كدخودا، قاراماحميد كدخودا
قازيقلي، حاجي كدخودا، دويموش كدخودا
ايكينجي سليم دٶنه مي: بوز اولوس آوشاري
قارامان`دا يورتلاندي، تانري يارديم ائتدي اونا!

اينانلي آوشاري

اون آلتينجي يوز ايلين بيرينجي ياريسي
گئنه سوردو آوشارين ياشام قايغيسي
ماراش`ي يايلاق، سورييه`ني قيشلاق ائتدي
اينانلي اوبالارينين ييرمي آلتيسي

اون آلتينجي يوز ايل ايكينجي ياريسيندا
كٶچه رليك وار آوشار`ين آلين يازيسيندا
بير بٶلومو آنتئپ كندلرينده يورتلانيركن
بير بٶلومو آلدي سولوغو ايران يايلاسيندا

يئني ايل آوشارلاري

يئني ايلده آلتي اوبا آوشارديق بيزلر
كٶپه كلي`دن: قيسالي، دليلر، سككيزلر
اينانلي`دان: به يديل`لر، تاييفي، قيزيل`لار
ايل چٶزولدو، بالا`دان يورتلاندي به يديل`لر

قوزان آوشارلاري

اون آلتينجي يوز ايلده قوزان آوشاري
يورتلانمادا گٶسته ردي اوستون باشاري
كٶچه رلييي بيراخيب تاريم ياپان
ييرمي سككيز اوبالي قوزان آوشاري

اوشاق آوشاري

اون آلتينجي يوز ايل، اوشاق يٶره سينده
دايانيشما وار آوشار`ين تٶره سينده
موساجالي، اٶكسوزلر اويماقلاري دا
توپلانميش خوجا فقيه لي چئوره سينده

آيدين آوشارلاري

اون آلتينجي يوز ايل، آيدين يٶره سينده
بيرگي`ده، بوزدوغان ايلچه سي چئوره سينده
بالابان، چوللو آوشار اويماقلاري
ياشاييردي آلين يازي چيزگيسينده

باليا آوشارلاري

اون آلتينجي يوز ايل، آوشار`ين بير قولو
يورتلانماق اوچون قوللادي ساغي سولو
باليا تيماري`نا ده ك سوردو يولو
بولدو بير يئر، ارينچلر دولو

قوندو، آوشار`ين اوتوز سككيز اوباسي
دئمك، اونلارا اولوك اولموش بوراسي
شنله نميش تيمار`ين تارلاسي، اوواسي
اولموش چاليشقان يالينيق يوواسي

اركله ت آتا اونلارا يارليق بويورموش
كٶچه ر ياشامين دالغالاري دورولموش
بٶيله جه، آوشار كبير قرييه سي قورولموش
بو گٶزه ل اووا آوشارليني دويورموش

اورلاتيما دار گلينجه آوشار كبير اوواسي
آيريلميش قارداش ساري حوسئينلر اوباسي
اونلارا دا يارليق بويورموش اركله ت آتاسي
قوردولار آيري بير قالا: چام آوشار`دير اوراسي

اون سككيزينجي يوز ايللرده آوشارلار

آنا بويون قالينتيسي حلب آوشاري
دايانيشما تٶره سيندن چيخماز ديشاري
ايصلاح فيرقه سي گله نه ده يين
گوجلو قالماقدا گٶسته ردي باشاري

اون سككيزينجي يوز ايلين ايلك ياريسيندا
كٶپه كلي اويماغينين رجبلي اوباسيندا
گره كدي، چوخور اووا`دا قيشلاماق
آنجاق تابقي يوخدو اركله ت ياساسيندا

اركينلييه وورقوندو آوشار تورونلاري
اٶزگورجه يايلاقدي، قيشلاقدي سورونلاري
مين يئددي يوز اوتوزدا راققا`يا سورگونلوك
باشقالديرماغا ايته له دي اونلاري

اون سككيزينجي يوز ايلين ياريسيندا
يازلاري زامانتي چايي ياليسيندا
ياشاييردي دارقينجليق ايچينده
قيشين دا جئيهان`ين سول قيييسيندا

مين سككيزيوز اللي آلتيدا اوتور! دئندي
آوشار كٶچه رليكده يئنه ديره ندي
يايلاقدا اورلاتيمي دانيق ائتمه لري
سون تنگي قاچيرمالارينا نه دندي

مين سككيز يوز آلتميش بئشده بكله نه ن اولدو
ايصلاح فيرقه سي گلدي، قانلي ساواش اولدو
يايلاقلاري دا آلينينجا اللريندن
وئريمسيز يورتلاردا آوشار يوخسول اولدو

توركييه نين ائليك ايله اورلات چاغيندا
اٶنه ملي اوينام اوينايان اوچ بوي آراسيندا
اون آلتينجي يوز ايلده يئر آدلارينين
آوشار يازيلي سكسن آلتيسيندا

اون دوققوزونجو يوز ايلده آوشارلار

اون دوققوزونجو يوز ايلده ياشام ده ييشدي
يالينيق چوخالدي، اولايلار گليشدي
كٶچه ر اوچون آجيقلي اولسا دا اورلاتيم
اويقارليق گره يي حالينا گلميشدي

كٶچه رلر اوتوردو، چيخار يول دا بويدو
رجبلي آفشاري دا، ياسايا اويدو
تومارزا، ساريز و پينارباشي`ندا
اورلاتيمدا: يئتميش كندين قوروجوسويدو

ييرمينجي يوز ايلده توركييه آوشارلاري

توركييه ني قاپلاميشدير اوغوز سويو
يئرله شيم يئرلري آنيمسادير تكمه بويو
آوشار دييه آنيلان اللي بئش يئر ايله
بيرينجي سيرادا شانلي آوشار بويو

ييرمينجي يوز ايل اولوسچولوق دٶنه مي اولدو
سويلار، بويلار قايناشدي، تك توپلوم اولدو
اوغوز سويو باغيمسيزليغيني قورودو
بٶيوك تورك اولوسو بودونجونو قوردو

ايران آوشارلاري

منصور به ي آوشارلاري

آغ قويونلو دٶنه مي

اون بئشينجي يوز ايل، ايكينجي ياري اولدو
آغ قويونلو، ايران آلقاني اولدو
بونلارا قاتيلان اويماقلار
ايراندا آوشار وارليغي اولدو

گوندوزلو آوشاري ايران`ا دولدو
حسن به ي`ين ياغيسينا، ياغي اولدو
آغ قويونلو`نون سئويتي منصور به ي
كوه گيلويه، شيراز ايل به يي الدو

منصور به ي ايران آوشارينين باشي
حسن به ي`ين يولوقچو يانداشي
آغ قويونلو`نون ائگه مه ن اولماسيندا
ايران آوشاري قازاندي ساواشي

صفوي دٶنه مي

خاقان ايسماعيل آغ قويونلو`نو ووردو
ايران`دا صفوي اركله تيني قوردو
خاقان ايسماعيل`ه قاتيلان منصور به ي
مين بئش يوز بئشده فارس`ا ايل به ي اولدو

منصور به ي تورونلاري كوهگيلويه`ده
او يٶره ني توتدو يوز ايل الده
ايران اوج اوياروتونا يٶن وئره ن
گٶندوزلو آوشارييلا دولدو يوردا

ايراندا اينانلو آوشارلاري – ١٦.نجي يوزايل

اينانلي آوشاري دا كٶچدو ايران`ا
اونلار دا اولدو صفوي`دن يانا
مين بئش يوز دوخسان اوچده قاسيم سولطان`ي
ايل به يي ياپدي شاه عابباس همدان`ا

شاه عابباس`ين اوردوسوندا گوجلو بويورمان
موصولو آلدي آوشارلي قاسيم سولطان
مين آلتي يوز ييرمي اوچده موصول ايل به يي
آشالي يوكسه لدي، اولدو قاسيم خان

ايراندا آلپلو آوشاري – ١٧.نجي يوز ايل

كٶپه كلي آوشارين آلپلي اوباسي
كٶچدو ايران`ا، تانيدي شاه عابباس`ي
مين آلتي يوز بئشده فراه ايل به يي اولدو
ايسماعيل خان، آلپلي`نين اونلو آغاسي

ايراندا ابرلو آوشاري

آوشاردي، صفوي اوردوسونا گوج قاتان
ابرلي آوشاري توتدو، قزوين`ده وطن
مين آلتي يوز ييرمي سككيزده ابرلي`دن
ابيورد ايلبه يي اولدو جمشيد سولطان

ايراندا آوشار ائگه منلييي

صفوي دٶنه مينده گوچلو اوغوز سويو
ايراني قاپلادي سانلي آوشار بويو
مين بئش يوز اون بير، خوراسان يوگوروشونده
دانا محممد به ي ايدي خاقانين ساغ قولو

فراه`دا بك، آوشار احمد سولطان
سئوينديك به ي`دي تبريز`ي الينده توتان
آوشار به يلري يٶنه تيردي اٶلكه ني
مين بئش يوز قيرخ آلتيدا شاه قولو سولطان

سبزوار ايل به يي ايكن حوسئين به ي
اٶزگورلويونو، توتاردي هر نمه دن يئي
چێنسيزليغا قارشي باشقالديرديغيندان
ساواشيركن اٶلدورولدو، بو سئچكين به ي

مين بئش يوز يئتميشده كيرمان`ي توتدو
ايل به يي اولدو آوشارلي يعقوب سولطان
هر بيري بير ايل يٶنه تيردي
دانا به ي، يوسوف سولطان، خوسروو سولطان

مين بئش يوز سكسن دوققوز ايلي ايران`دا
استرآباد، فراه، ايسفيزار، كيرمان`دا
بديرخان، ولي خان، يئيه ن سولطان كيمي
ايگيد آوشار به يلري هپ اركيمده

نادير خاقان افشار ١٧٤٧-١٦٨٨

ايران اوْردوسوندا سوْيلو بير بۇيورمان
آوشارلارين اۆنونه بٶيوك اۆن قاتان
آوشارين قێرخلي اوْباسيندان نادير به ي
خاقانليق قوْنومونا چێن قازاندي چوْخدان

مين يئددي يۆز اوْتوزآلتي، بولقاقلار اولدو
صفوي خاقانليغينين ياشاغي دوْلدو
چاغا خان، اۆچونجو عابباس`ين يئرينه
ايرانلييا تارخان، ناديرخاقان اولدو

نادير خاقان، ايراندا دۆزه نله مه ياپدي
سالديرقان آفقانلاري ايراندان آتدي
آوشار بوْيوندان قۇردوغو قوْشونلارلا
هينديستان`ي آلقانلادي، ايران`ا قاتدي

ناديرخاقان، قيزمار آفشار دۇيقوسويلا
آفشارين آسيالي، توركييه ليسي ايله
ايران آفشاريني يوْغورماق ايسته دي
پئك چوخ ساواشيم ياپدي بو تۇتقوسويلا

محررم ائره ن
--------------------------------
بو قوشوقدا ايشله ديله ن سٶزوموز`ون اٶنه ردييي اٶزتوركجه قارشيليقلار:

آزادي =اركينليكƏrkinlik-
اجازه، اذن = تابقيTabqı-
اسكان =اورلاتيمUrlatım-
اسكان دادن =اورلاتماقUrlatmaq-
اقتدار =اركيمƏrkim-
امضاء =ايزباسيİzbası-
امضاء كردن =ايزباسماقİzbasmaq-
تجارت =ساتيقSatıq-
جمهوريت =بودونجBudunc-
حق =چينÇın-
حمله بزرگ، هجوم گسترده= يوگوروشYügürüş-
درجه، رتبه = آشال-Aşal
دوست، يار =سئويتSevit-
دولت = اركله تƏrklət-
رد =دانيقDanıq-
رد كردن =دانيقلاماقDanıqlamaq-
رسمي =توغراليTuğralı-
رل، نقش =اوينامOynam-
زبان رسمي =توغرالي ديلTuğralı dil-
سياست =اوياروتUyarut-
ملك =اييه كİyək-

بو قوشوقدا ايشله ديله ن سٶزجوكلردن:

آخينAxın-= هجوم دفعتا، حمله ناگهاني
آدليمAdlım-= مشهور
آشالAşal-= درجه، رتبه (مب)
آنجاقAncaq-= فقط
آنلامAnlam-= معني
آنيمساتماقAnımsatmaq-= به ياد آورن، خاطرنشان كردن
آوAv-= شكار
ائليك اولماقElik olmaq-= استيلا كردن
اركله ت آتاƏrklət ata-= دولت بابا
اركله تƏrklət-= دولت (مب)
اركيمƏrkim-= اقتدار (مب)
اركينليكƏrkinlik-= آزادي (مب)
ارينچƏrinç= نعمت
اوتقوUtqu-= ظفر، پيروزي
اوج به ييUcbəyi-= والي منطقه مرزي
اورلاتماقUrlatmaq-= اسكان دادن (مب)
اورلاتيمUrlatım-= اسكان (مب)
اولوكÜlük-=نصيب
اوماجاUmaca-=
اونÜn-= شهرت، معروفيت
اونقونOnqun-=
اوواOva-= جلگه
اوياروتUyarut-= سياست (مب)
اويماقUymasq-= عشيره
اوينامOynam-= رل، نقش (مب)
ايته له مكİtələmək-= مجبور كردن، هل دادن
ايزباسماقİzbasmaq-= امضاء كردن (مب)
ايزباسيİzbası-= امضاء (مب)
ايل بكİlbək-= والي، حاكم، فرماندار
ايلچهİlçə-= ناحيه، قضا
ايلخيIlxı-= حيوان
اييه كİyək-= ملك (مب)
اٶته كÖtək-= تاريخ
اٶزگورلوكÖzgürlük-= آزادي
باسقيBasqı-= تضييق
باسقينBasqın-= هجوم ناگهاني
باشاريBaşarı-= موفقيت
باشبوقBaşbuq-= رهبر، حكمران
باشقالديرماقBaşqaldırmaq-= قيام كردن
باغيمسيزليقBağımsızlıq-= استقلال
بكBək-= والي، حاكم
بوجاقBucaq-= ناحيه مرزي، گوشه
بودونجBudunc-= جمهوريت (مب)
بولقاقBulqaq-= فتنه، بحران، آشفتگي
بويBoy-= طائفه
بويروقBuyruq-= فرمان، امر
بويورمانBuyurman-= فرمانده
پايPay-= سهم، نصيب
تابقيTabqı-= اجازه، اذن (مب)
تارخانTaxan-= حكمران، فرمانروا
تاريمTarım-= كشاورزي، زراعت
تكمهTəkmə-= هر
تنگTəng-= فرصت، امكان
توتقوTutqu-= حرص،
تورونTorun-= نوه
توغرالي ديلTuğralı dil-= زبان رسمي (مب)
توغراليTuğralı-= رسمي (مب)
تونه كTünək-= زندان
تٶرهTörə-= سنت
جيمCim-= ادات مبالغه (جيم وورقون= بسيار عاشق)
چئورهÇevrə-= اطراف، پيرامون
چئويكÇevik-= سريع
چاغاÇağa-= كودك
چاغينÇağın-= هنگام، زمان
چاليشقانÇalışqan-= كوشا، ساعي
چينÇın-= حق (مب)
خاقانليقXaqanlıq-= سلطنت
دارقينجDarqınc-= ناآرام، ناراحت
دالغاDalqa-= موج
دانيقDanıq-= رد (مب)
دانيقلاماقDanıqlamaq-= رد كردن (مب)
دايانيشماDayanışma-= همبستگي
دوزه نله مهDüzənləmə-= سازماندهي
دووشانجيلDovşancıl-=
ده يين، دكDəyin Dək-= تا، الي (تكين، تك= مانند، مثل)
ديشاريDışarı-= خارج
دٶنه مDönəm-= دوره، عهد
سئچكينSeçkin-= برجسته
سئويتSevit-= دوست، يار (مب)
ساتيقSatıq-= تجارت (مب)
سالديرقانSaldırqan-= مهاجم
سالديرماقSalqırmaq-= حمله كردن
ساواشيمSavaşım-= مبارزه
سوردوSürdü-= ادامه يافت
سورگونSürgün-= تبعيد
سورونSorun-= مشكل، مساله
سولوقSoluq-= نفس
سويلوSoylu-= اصيل
شٶله نŞölən-= مراسم
قاپلاماقQaplamaq-= تماما پوشاندن، كاملا احاطه كردن
قاغانQağan-= سلطان
قالاQala-= قريه
قالينتيQalıntı-= باقيمانده، بقيه السيف
قايغيQayqı-= انديشه
قوچاقلاماQoçaqlama-= حماسه
قولتوقQoltuq-= تخت
قيزمارQızmar-= آتشين، با حرارت
قيييQıyı-= كرانه
كٶچه رليكKöçərlik-= كوچندگي
نمهNəmə-= چه، چيز، شئي
وورقونVurqun-= عاشق
هپHəp-= هميشه
يئرله شيكYerləşik-= تخته قاپو، يكجانشين
يئنيكYenik-= مغلوب
يارديمYardım-= ياري
يارليقYarlıq-= فرمان (دولتي)
ياشاق، ياشاغيYaşaq Yaşağı-= عمر
ياشامYaşam-= زندگي، حيات
ياغيYağı-= دشمن
ياليYalı-= ساحل
يالينيقYalınıq-= انسان
يانداشYandaş-=هوادار، طرفدار
يورتلانماقYurtlanmaq-= وطن گزيدن
يوگوروشYügürüş-=حمله بزرگ، هجوم گسترده (مب)
يولوقYoluq-=فدا
يولوقچوYoluqçu-=فداكار
ييرتيجيYırtıcı-= وحشي
ييلديرماقYırldırmaq-= ترساندن
ييلمازYılmaz-= بيباك
يٶرهYörə-= ناحيه، محله

posted by 5:11 PM